బహుజన ముద్దు బిడ్డ సర్వాయి పాపన్న...

బహుజన ముద్దు బిడ్డ సర్వాయి పాపన్న...

 - పెద్దంకుల శ్రీనివాస్ గౌడ్

కొండపాక ఆగస్టు 18 (అవని విలేఖరి) గోల్కొండ కోటపై జెండా ఎగరేసిన బహుజనుల ముద్దుబిడ్డ సర్వాయి పాపన్న అని కొండపాక కల్లు గీత కార్మిక సంఘం మండల అధ్యక్షులు పెద్దంకుల శ్రీనివాస్ గౌడ్ అన్నారు. సర్దార్‌ పాపన్న జయంతి ఉత్సవాలను పురస్కరించుకుని వెలికట్ట ఎక్స్ రోడ్డు వద్ద సర్వాయి పాపన్న గౌడ్‌ చిత్రపటానికి పూలమాల వేసి ఘనంగా నివాళులు అర్పించారు. ఈ సదర్భంగా ఆయన మాట్లాడుతూ... సామాన్య కల్లు గీత కుటుంబంలో జన్మించి నాటి మొఘల్‌ చక్రవర్తుల వెన్నులో వణుకు పుట్టించిన అసామాన్యుడు మన సర్దార్‌ సర్వాయి పాపన్న గౌడ్‌ అన్నారు. ఆనాటి మొఘల్‌ చక్రవర్తుల నిరంకుశ పాలనను, స్థానిక జమిందారులు, జాగీర్‌ దారులు, దేశ్‌ ముఖ్‌లు, భూస్వా ముల దోపిడీని, దౌర్జన్యాలను ఎదిరించాడన్నారు. ఒక్కనితో ప్రారంభమైన సర్దార్‌ పాపన్న పోరాటం సబ్బండ కులాల పీడిత ప్రజలను సమీ కరించుకొని సైన్యాన్ని ఏర్పాటు చేసుకుని.. గెరిల్లా పోరా టాలు చేస్తూ తన స్వస్థలం ఖిలాషాపూర్‌ రాజధానిగా పాలన సాగించాడన్నారు. ఈ కార్యక్రమంలో తాజామాజీ సిద్దిపేట జిల్లా సర్పంచుల ఫోరం అధ్యక్షుడు ఆరేపల్లి మహాదేవ్ గౌడ్, ఆరేపల్లి శ్రీనివాస్, ఆరేపల్లి లింగం, ఆరేపల్లి మల్లేశం, గున్నాల వెంకటేశం, దుద్దెడ రమేష్ పెద్దంకుల దేవేందర్, ఆరేపల్లి బాలేశం, గున్నాల దామోదర్, పెద్దంకుల నరేందర్. గున్నాల దశరథం బండి రాములు తదితరులు పాల్గొన్నారు.